RSS Vk
list Меню

Святые мученицы Антонина и Валентина

Тропарь мученице Антонине Римской (Никейской)

Агница Твоя Иисусе Антонина зовет велиим гласом: Тебе, Женише мой, люблю, и Тебе ищущи страдальчествую, и сраспинаюся, и спогребаюся крещению Твоему, и стражду Тебе ради, яко да царствую в Тебе, и умираю за Тя, да и живу с Тобою, но яко жертву непорочную приими мя, с любовью пожершуюся Тебе: тоя молитвами, яко милостив, спаси души наша.

Молитва святым мученикам Александру и Антонине Римским

О, пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя: низведите на ня благословение Христа Бога, рекшаго: оставите детей приходить ко Мне: болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастити; и всех нас, святей иконе вашей предстоящих, мощи же ваша с верою лобызающих и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа во веки веков. Аминь.

Акафист мученикам Александру и Антонине Римским

Тропарь мученице Валентине Кесарийской,
глас 4:

Агница Твоя, Иисусе, Валентина зовет велиим гласом: Тебе, Женише мой, люблю,  и, Тебе ищущи, страдальчествую, и сраспинаюся, и спогребаюся Крещению Твоему,  и стражду Тебе ради,  яко да царствую в Тебе, и умираю за Тя, да и живу с Тобою, но яко жертву непорочную, приими мя, с любовию пожершуюся Тебе. Тоя молитвами, яко Милостив, спаси души наша.

Кондак мученице Валентине Кесарийской,
глас 2:

Храм Твой всечестный яко цельбу душевную обретше, вси вернии велегласно вопием ти,  дево мученице Валентино, великоименитая, Христа Бога моли непрестанно о всех нас.

Молитва мученице Валентине Кесарийской

О, многострадальная и премудрая мученице Христова Валентино! Ныне почитюще святую память твою, к тебе мы, грешнии и недостойнии, усердно прибегаем и во умилении сердец наших молимся. Ты паче всех благ земных Сладчайшаго Господа нашего Иисуса Христа возлюбила еси и Тому чрез все житие верно последовала еси, Божественною благодатию душу свою питающе. Испроси убо и нам у Христа Бога благодать просвещающую нас, да ею осеняемии, в вере и благочестии, в подвизех же целомудрия и любви преуспевати будем и Христу в ближних Его служити неленостно потщимся. Моли убо Христа Спаса да сподобит и нас странствие наше земное во временем сем веце непреткновенно совершити, и в мире и покаянии житие наше скончати, да тако на земли поживше, вечныя и блаженныя жизни на небеси сподобимся и тамо с тобою и со всеми святыми вкупе восхвалим Троицу Единосущную и нераздельную, и воспоем Едино Божество, Отца и Сына и Святаго Духа во веки веков. Аминь.

Акафист святой мученице Валентине

Адрес храма: 105187, Москва, ул. Ибрагимова, д. 6а

Почта храма: contact@hramdimitria.ru

Телефоны храма:
+7 (495) 365-31-61 (общий)
+7 (499) 369-54-05 (казначей, бухгалтер)
+7 (495) 366-07-96 (дежурный священник, социальный работник)
+7 (499) 369-62-33 (свечной ящик, церковная лавка)
+7 (499) 369-60-54 (склад)
+7 (499) 369-57-65 (охрана)