Тропарь мученицам Вере, Надежде, Любови и матери их Софии, глас 4

Торжеству́ет це́рковь перворо́дных ,/ и свесели́тся, прие́мля ма́терь о ча́дех веселя́щуюся,/ я́же я́ко му́дрости тезоимени́тая,/ тро́йственным богосло́вским доброде́телем равночи́сленныя породи́./ Ты́я с му́дрыми де́вами зрит уневе́стившияся Жениху́ Бо́гу Сло́ву./ С не́ю и мы духо́вне в па́мяти их свесели́мся, глаго́люще:/ Тро́ицы побо́рницы, Ве́ро, Любве́ и Наде́ждо,/ в ве́ре, любви́ и наде́жде утвержда́йте нас.

Тропарь, глас 1

Агницы слове́сныя/ Агнцу и Па́стырю приведо́стеся муче́нием ко Христу́,/ тече́ние сконча́вше и ве́ру соблю́дше;/ те́мже днесь ра́достною душе́ю соверша́ем, досточу́днии,/ святу́ю ва́шу па́мять,/ Христа́ велича́юще.

Кондак, глас 1

Софи́и честны́я свяще́ннейшия ве́тви,/ Ве́ра, и Наде́жда, и Любо́вь показа́вшеся,/ му́дрость обуи́ша е́ллинскую¹⁰ благода́тию,/ и пострада́вше, и победоно́сицы яви́вшеся,/ венце́м нетле́нным от всех Влады́ки Христа́ увязо́шася.

Величание

Велича́ем вас,/ страстоте́рпицы святы́я Ве́ро, Наде́ждо, Любо́вь и Софи́е,/ и чтим честна́я страда́ния ва́ша,/ я́же за Христа́/ претерпе́ли есте́.

Святые мученицы Вера, Надежда, Любовь, София. Фрагменты иконы